Hizkuntza Normalkuntza Planaren helburu nagusia: euskararen ezagutza eta erabilpenaren artean dagoen desoreka murriztea.
Iazko ikasturtean euskararen presentzia eta erabileraren diagnosia egin ondoren, hurrengo 4 urteetarako (2018-2022) helburuak finkatu genituen. Batez ere, euskararen erabilera areagotu gura genuke.
Beraz, guraso, irakasle, ikasle, langile eta komunitateko partaide guztien euskararenganako inplikazioa bilatu eta indartu behar dugu, gure ikasleek euren euskara komunikazio-gaitasuna aberasteko eta sendotzeko egoera egokiak izan ditzaten. Ahozko hizkuntza eta jende aurrean azaltzeko estrategiak garatzeko gure eskolan hainbat ekintza antolatzen dugu, hala nola, LORATSAIOA eta agenda dinamizatzeko ekintzak.